Toshiba Corporation 株式会社東芝 | |
![]() ![]() | |
Tipe | Corporation |
---|---|
Gestig | 1875 / 1939 (samesmelting) |
Hoofkantoor | Tokio, Japan |
Sleutelpersone | Atsutoshi Nishida (voorsitter) |
Industrie | Konglomeraat |
Produkte | Digitale produkte, elektroniese toestelle & komponente, maatskaplike infrastruktuur, elektroniese verbruikersware, en ander |
Inkomste | 7 668,1 miljard jen ($76,68 miljard) (Fiskale jaar 2007, tot en met 31 Maart 2008) |
Netto inkomste | 127,4 miljard jen ($1,274 miljard) (Fiskale jaar 2007) |
Webwerf | Toshiba Worldwide |
Toshiba Corporation (Japannees: 株式会社東芝 Kabushiki-gaisha Tōshiba) is 'n multinasionale maatskappy wat hom op hoë-tegnologieprodukte, elektriese en elektroniese goedere toespits. Die maatskappy is tans een van die wêreld se twintig leidende vervaardigers van halfgeleiers asook die sewende grootste produsent van elektriese en elektroniese goedere.[1] Die onderneming vervaardig 'n wye verskeidenheid produkte wat van televisietoestelle, blu-rayspelers en skootrekenaars tot kernaanlegte en spoorwegstelsels strek.
Toshiba is daarnaas een van die wêreld se twintig belangrikste ontwikkelaars van gepatenteerde tegnologiese innovasies, en het op verskillende terreine deurbrake gemaak. Dit word in die Nikkei 225 gelys en het sy hoofkwartier in die Japannese hoofstad Tokio. Die huidige onderneming het as gevolg van 'n samesmelting van maatskappye in 1938/1939 ontstaan, terwyl sy historiese wortels terugstrek tot 1875. Toshiba was een van die dryfkragte agter die nywerheidsomwenteling in Japan en word steeds onder dié land se tien grootste maatskappye volgens markwaarde gereken.[2]
Die hoof uitvoerende beampte van Toshiba, Hisao Tanaka, het in Julie 2015 bedank nadat nuus oor 'n bedrogspul bekend gemaak is waarby topbestuurders betrokke was en waarin rekeningkundige inligting jare lank vervals is in 'n poging om die groep se inkomste beter te laat lyk. Die gerapporteerde bedryfsinkomste was 152 miljard jen (15 miljard ZAR) hoër as die werklike inkomste.
Op 11 April 2017 het Toshiba bekend gemaak dat dit 'n jaarlikse verlies van meer as 1,01 biljoen ¥ (127 miljard ZAR) in die gesig staar en dat sy toekoms as maatskappy in die weegskaal is nadat sy belange in die kernaanleg-boubedryf deur ernstige finansiële moeilikhede bedreig word.[3]
© MMXXIII Rich X Search. We shall prevail. All rights reserved. Rich X Search